துளிப்பா வடிவில் தத்துவத் தளிர்கள் ....
*******************************************************
* மனித மனதின்
நெடிய பயணம்
ஞானமரபுகளைத் தேடி
* ஆன்மீகத் தேடலில்
மூன்று வழித்தடங்கள்
பக்தி ஞானம் தியானம்
* நவீன அறிவியலின்
சித்தாந்த ஆதாரம்
அணுவின் துகள்கள்
* ஞானத் தேடலின்
விருட்சமானது
ஜோதி தரிசனம்
* தத்துவ சிந்தனைகளின்
பிறப்பிடம்
பண்டைய வழிபாட்டு முறைகள்
* மனமே மானுடத்தின்
மூல மந்திரம்
ஒரு நிலைப்படுத்தினால்
* நிலைக் கண்ணாடி முன்
அலைபாயும் பிம்பமாய்
மானுடத் தோற்றம்
* வைதீக மரபின்
தோற்றப் பிழைகளாய்
வழிபாட்டுக் குறியீடுகள்
* தத்துவ நிலைப்பாட்டின்
நம்பிக்கையில் பிறந்தன
சாத்திரமும் சடங்குகளும்
* பொருள் தெரியாது
ஓதப்படும் வேதங்கள்
கரைசேராத ஓடங்கள்
* மதங்களைக் கடந்து
குன்றிலிட்ட விளக்கானது
தர்மம் எனும் அறம்
* புலன்வழி அறிந்த
உண்மையானது
ஆகாயம் எனும் இறையுணர்வு
* விண்வெளிக்குள் பிரவேசித்து
இரண்டறக் கலக்கும் ஆன்மா
முக்தி நிலையின் மூலம்
........கா.ந.கல்யாணசுந்தரம்
